Mi ta nobo

Porta bo a scucha di nos for di un ser keri, of bo a wak nos videonan riba Facebook, of ta prome biaha bo ta lesa algo di nos.

Wel, permiti nos introduci nos mes. Nos ta Iglesia Hesus Biña Nobo, mihor conosi como HBNChurch.

Nos ta un iglesia estableci na Aruba desde aña 2015. Nos mision ta pa hasi Hesu-Cristo famoso riba Aruba y den e mundo.

Nos ta kere cu Hesus ta e unico caminda, berdad y bida, y cu niun hende por tin un relacion cu Dios si no ta pa medio di Cristo (Huan 14:6).

Nos ta kere tambe cu Dios tin un plan y proposito perfecto pa cada un di nos, y atravez di su Spirito Santo e kier transforma cada persona su bida.

Nos ta kere cu Dios ta move di manera nan sobrenatural ainda y E kier pa tur persona tin un encuentro cun'E y Su amor.

Si bo kier conose mas di ken nos ta y kiko nos ta kere primi e boton aki abou.

HBNChurch tin diferente sirbishi durante e siman.

Sirbishi Principal:

• Diadomingo, 10:30am

Sirbishi Anochi:

• Diaranzon, 7:30pm

Sirbishi di Hoben:

• Diabierna, 7:30

Nos ta kere cu edad no ta un impedimento pa Dios. Pesey nos tin nos mesun Ministerio di HBNKids & MVMNT Youth!

HBNKids Ministry (6 luna - 12 aña):

• Tur diadomingo e mucha nan lo siña mas di e Palabra di Dios na nan nivel y na un manera mas dinamico.
• Tur diaranzon nos tin opvang pa e muchanan mientras e majornan ta siña mas di Dios den tempel grandi.

Pa siña mas di nos ministerio di mucha, click riba e boton abou.

MVMNT Youth (13 aña - 20 aña):

• Tur diabierna, 7:30PM nos tin sirbishi special pa Youth (13-20).
• Tur diadomingo & diaranzon nan por participa libremente den e sirbishi nan general.

Pa siña mas di nos ministerio di MVMNT Youth Ministry, click riba e boton abou.

Si bo kier forma parti di e famia di HBNC, nos tin un programa cu yama Next Steps cu ta guiabo den e proceso aki. 

Pa mas informacion tocante Next Steps, click aki bou.