Porta esaki ta bo prome biaha, of porta bo a yega di bin caba, pero bo kier haya sa mas di nos iglesia y crece mas den Señor.
You've come to the right place.
Permiti nos introduci: Next Steps.
Next Steps ta un programa crea especialmente pa esun nan cu kier crese mas den Señor.
Nos ta kere cu Dios a crea cada persona cu un yamado y proposito unico, y cu e la diseña e Iglesia pa ta e lugar unda e persona nan aki por discubri nan proposito y bida nobo den Señor.
Nos sa cu laga tur cos atras y cuminsa un bida nobo por ta dificil, y tin biaha bo no sa mes unda pa cuminsa.
Pesey Next Steps ta diseña pa judabo desaroya bo bida nobo den Señor cu e guiansa y hermentnan necesario pa un caminar nobo exitoso.
step 1:
Si bo ta nobo na Hesus Biña nobo, bo por conoce nos iglesia cu Step 1: Conoce Nos!
E step aki ta tuma lugar riba Diadomingo 10AM.
E ta consisti di 4 station (4 diferente diadomingo) y ora bo pasa door di tur 4 bo ta haya bo certificado y bo ta cla pa step 2!
STEP 2:
Creyente Nobo:
- Si bo ta nobo den Señor, bo por tuma e paso pa Bautisa.
Creyente:
Si bo ta un creyente caba y porta bo a bin di un otro iglesia, Step 2 pabo lo ta Transition Classes, caminda lo wordo yuda den e transicion pa haci Hesus Biña Nobo bo cas.
STEP 3:
Creyente Nobo:
- Nos creyentenan nobo lo cuminsa cu nos lesnan di Discipulado, caminda bo lo siña e basiconan di e Palabra di Dios.
Creyente:
- Esnan cu a pasa door di nos Transition Classes por haci Step 3 door di atende nos anochi di Restart, caminda bo lo wordo ministra pa haya un fresh start.
STEP 4:
Y na final, nos tin nos Step 4: Bira Parti Di Nos Ekipo Di Trabou.
Den e anochi informativo aki, bo lo haya sa con abo tambe por ta parti di loke Dios ta haciendo, atravez di Hesus Biña Nobo, na Aruba!
Si bo ta interesa pa forma parti di HBNChurch, please aserca e Helpdesk na entrada di iglesia, durante nos sirbishi di diadomingo of diaranzon, pa mas informacion.
Nos ta wardabo!
