Liderazgo

Apostel Joël Jansen, tambe conoci como e Senior Pastor, a cuminsa cu e obra aki hunto cu su casa Profeta Giancarla na aña 2015.

Nan ta na cabes di e obra aki cu Señor a cuminsa riba e isla di Aruba.

Profeta Giancarla Jansen, ta e ayuda idonea cu Dios a pone banda di nos Apostel pa asina yud'e cumpli cu e vision door di administra y maneha tur e necesidadnan di e obra.

Pastornan Arends ta encabesa e Ministerio di Mucha. Nan ta encarga di adapta e palabra di Dios na un nivel comprendibel y dinamico pa asina tur mucha por tin nan mesun encuentro cu Dios.

Rafael Guerrero ta Pastor na man drechi di nos Apostel, yudando e ministra y atende e pueblo. Pastor Rafael ta un di e pilarnan fundamental di iglesia, y e ta lidera e Ministerio di Alabanza.

Luis & Linda ta Anciano di iglesia y hunto nan ta lidera e Ministerio di Ujier. Nan tawata presente desde e comienso di e obra, y ta pilarnan clave den e iglesia, yudando Apostel y Profeta contantemente tanto paden como pafor di iglesia.

Daniela Cordoba ta lider di e Ministerio di Intercesion. Daniela ta yuda den diferente area di iglesia incluyendo Predica, Lighthouse, Discipulado y hopi mas.

Luigina Guerrero ta lider di e Ministerio di Media y ta encarga di e Live Streaming di nos eventonan. Apart di esey, e ta un di nos captains den nos MVMNT Youth Ministry, yudando guia e hobennan den e caminda di Dios.